IL DUBBIO

- "Sere, cummà, prime di la funzione

sò ntese nu rimore, a l'antrasatte,

mi tiné rricità na graziione

e so pinzate: mah, sarrà la 'atte.

Ci steve sole i, dentr'a la chijse

chi lu rimore, miche la fineve

so jte a 'prì na porte e, chissiccise,

li vù sapé, zizì, da ddò mineve?

Da don Giuvanne! accom'abbittimeve!

L'uocchie arivulle, tonic'arrizzate

stridè, zumpé, sbuffè, s'arvuticheve

sopr'e sotte a na femmina spusate".

- "Chi nuvità, è quesse chi m'accunte?

'Ntenghe a capì picchè ti miravije

ca la ciupredde si la fa nghi 'Ssunte

li sa pure li prete di la vije".

"Nn'è quesse, za cummà, nni nzi capite.

L'iva vidè, 'ntìné manche l'affanne

nzi quanta tempe s'aritravuddite:

pare nu giuvinotte di vint'anne!

Cchiù di ddu ore, zì, si li vidive!

Sissant'anne! I'avisse ma pinzate?"

-"Nipota me, t'avessa fà currive

ca nni nci stive tu, sott'allungate?"

___________________________________

graziione: orazione.

chissiccise: esclamazione benevola.

ciupredde: l'arciprete.

currìve: invidia, risentimento.